श्री राम स्तुति

श्री राम स्तुति

श्रीरामचंद्र कृपालु भजु मन हरण भवभय दारुणं |

नवकंज लोचन, कंजमुख, कर कंज, पद कंजारुणं ||

कंदर्प अगणित अमित छवि नव नील नीरद सुन्दरम |

पट पीत मानहु तडित रुचि शुचि नौमि जनक सुतावरं ||

भजु दीनबंधु दिनेश दानव-दैत्य-वंश -निकन्दनं|

रघुनंद आनंदकंद कोशलचन्द्र दशरथ-नंदनम ||

सिर मुकुट कुंडल तिलक चारु उदारु अंग विभुषणं|

आजानुभुज शर चाप-धर, संग्राम-जित-खरदूषणं||

इति वदति तुलसीदास, शंकर शेष मुनि-मन-रंजनं |

मम ह्रदय कंज निवास कुरु, कामादि खल-दल-गंजनं ||

मनु जाहि राचेउ मिलिहि सो बरु सहज सुन्दर साँवरो |

करुना निधान सुजान सीलु सनेहु जानत रावरो ||

एहि भांति गौरि असीस सुनि सिय सहित हिंय हरषीं अली |

तुलसी भावानिहि  पूजि पुनि-पुनि मुदित मन मंदिर चली ||

सो० -जानि  गौरि  अनुकूल सिय हिय हरषु न जाइ कहि 

        मंजुल मंगल मूल बाम अंग फरकन लगे